Josphen Phillip
سلام ونعمه انا بكتب من كندا اللي اتنقلنا نعيش فيها من ٨ اشهر ...
الغربه صعبه فعلا بالذات لو مرت عليك ازمه او ضيقه .
زوجي كل يوم بيرجع من الشغل في ميعاد ثابت بالدقيقه
ولو هيتاخر لأي سبب يا باتصل به او هو بيعرفني.
النهارده ٤/١ أتأخر عن ميعاده والوقت بدا يمر علي
والأفكار بدات تراودني اتصلت به ١٣ مره ومردش علي .
بعت له اكتر من رساله ومفيش رد تركت له رساله صوتيه
ولكن من غير فايده والأفكار بدات تبقي شريره
واسأل نفسي اعمل إيه اكلم مين
وفجأه لقيت نفسي بنادي علي ابونا فلتاوءس وابونا اثناسيوس السرياني
وقلت له طمني عليه وانا الصبح راح اكتبها لك علي الصفحة بتاعتك
وصدقوني في نفس اللحظه كانت عربيه تامر قدام عيني
ولما دخل قلتله ابونا فلتاوءس هو اللي بعتك قبل ما انهار.
وهو قالي موبيلي باز طب خلي ابونا يصلحه
وصدقوني حتي دي ما كسفناش فيها .
انا عارفه انها أمور ممكن تكون بسيطه وعاديه لكتير
لكن عندي كبيره لانها تحمل معني
ان القديسين دول ليسمعوا لنا وعايشين معانا
وبالذات في الغربه ملناش غير معونتهم وشفاعتهم .
0 التعليقات:
إرسال تعليق